Karina eyddi fyrri hluta lífs síns í það að ferðast um heiminn sem eiginkona þýsks diplómats. Vegna starfs hans bjuggu þau á ólíkum og spennandi stöðum, svo sem Kanada, Íslandi, Japan, Sádí Arabíu og Grikklandi. Sonur hennar, Harald, fæddist í London og dæturnar tvær, Heidi og Hella, fæddust í Reykjavík.

Karina varð fullgildur fagaðili í Brennan heilunarfræðum árið 1999, eftir að hafa lokið fjögurra ára fagnámi í Brennan heilunarfræðum við Barbara Brennan School of Healing (BBSH) í Flórída, Bandaríkjunum. Hún hélt áfram frekara námi við BBSH í tvö ár eða allt til ársins 2001 þegar hún ákvað að helga sig heilunarstofum sínum.

Karina hjálpar ekki bara fólki sem þjáist af einhverju ákveðnu ástandi, svo sem þunglyndi, streitu, astma og svefnleysi (og mörgu fleira), heldur hjálpar hún einnig fólki sem vill einfaldlega beina orkunni í nýjan farveg eða finna sýja stefnu í lífinu.